ដើម្បីធ្វើប្រហិតសាច់គោឲ្យកាន់តែមានរសជាតិឆ្ងាញ់ អ្នកត្រូវរកទិញសាច់គោកិនស្រាប់ដែលមានជាតិខ្លាញ់
១៥% ឬជាតិខ្លាញ់ច្រើនជាងនេះ។ តែប្រសិនបើអ្នកទិញសាច់ដោយខ្លួនឯងមកកិននោះ
អ្នកគួរតែជ្រើសរើសយកសាច់ស្រស់ដែលមានជាតិខ្លាញ់ សរសៃយកមកធ្វើប្រហិតទើបឆ្ងាញ់។
ចំណែកឯវិធីធ្វើសូមអនុវត្តដូចខាងក្រោម៖
គ្រឿងផ្សំ៖
- សាច់គោ ៣៥០ក្រាម អាចប្រើសាច់គោកិនស្រាប់
- ម្សៅពោត ២ស្លាបព្រាបាយ
- ទឹកត្រី ២ស្លាបព្រាបាយ
- ម្សៅស៊ុប ១ ស្លាបព្រាកាហ្វេកន្លះ
- អំបិល ១ស្លាបព្រាកាហ្វេកន្លះ
- Baking
powder ១ស្លាបព្រាកាហ្វេកន្លះ (ម្សៅដុតនំ)
- ម្រេច
ការធ្វើ៖
១. សាច់ និងគ្រឿងទាំងអស់ដាក់ចូលទៅក្នុងម៉ាសីុនកិនសាច់ រហូតដល់សាច់ស្វិតល្អ។
២. យកសាច់ចេញ រួចដាក់ចូលថង់ប្លាស្ទិច ។ កាត់ក្បាលថង់តូចល្មមដើម្បីច្របាច់ប្រហិតចេញមកមូលល្អ
ហើយជាវិធីដែលងាយស្រួល។
៣. ក្នុងអំឡុងពេលច្របាច់ប្រហិត ដាក់ទឹកដាំឲ្យពុះដាក់អំបិល
ស្ករ, រួចភ្លក្ស រសជាតិល្មម គឺបានហើយ។ (វិធីនេះមិនធ្វើឲ្យសាច់គោសាបពេលស្រុះរួច)
។ ទឹកពុះដាក់សាច់គោចូលចម្អិន ៥នាទី រួចដួលចេញ។
៤. ប្រសិនបើធ្វើទុកញ៉ាំពេលដួលចេញដាក់ចូលទៅក្នុងចានទឹកត្រជាក់
រួចដាក់ចូលថង់ ឬប្រអប់។ ដាក់ចូលទូរកកប្រសិនបើអ្នកចង់ទុករយៈពេលយូរជាងនេះ។
យើងអាចច្របាច់ដោយដៃ ឬនៅក្នុងថង់ប្លាស្ទិចក៏បានតាមចំណង់ចំណូលចិត្ត
ប៉ុន្តែយើងគិតថាប្រើថង់ងាយស្រួលជាង ព្រោះវាអាចមូលល្អ៕