សម្រាប់ព្រឹកនេះ Cambodia Recipe សូមធ្វើការបង្ហាញពីវិធីធ្វើបួសមួយមុខទៀតហើយមកចែកជូនដល់ប្រិយមិត្ត គ្រប់គ្នាឲ្យបានដឹងនោះគឺ
តៅហ៊ូចៀនស្រោចទឹកស៊ីអ៊ីវល្ង។ ដូច្នេះកុំឲ្យខាតពេលយូរ សូមមើលការណែនាំខាងក្រោម៖
គ្រឿងផ្សំ៖
-
តៅហ៊ូ ៤ដុំ
-
ប្រេងបន្លែ ៣០មីលីលីត្រ
-
ទឹកសីុអ៊ីវ សណ្ដែក ៤៥មីលីលីត្រ
-
ម្សៅម្ទេសម៉ត់ តាមកាចូលចិត្ត
-
ដើមខ្ទឹម ១ដើមហាន់តូចៗ
-
ខ្ទឹមស ១ដុំហាន់តូចៗ
-
ប្រេងល្ង ៥ មៅលីលីត្រ
-
ល្ងលីង
-
អំបិលបន្តិច
វីធីធ្វើ៖
ជំហានទី១
តៅហ៊ូលាងឲ្យស្អាត, កាត់ស្ដើងៗដាក់ឲ្យស្ងួត
រួចរោយអំបិលពីលើតៅហ៊ូទុកប្រហែល ៥នាទី។
ជំហានទី ២
យកតៅហ៊ូផ្ដិតនឹងក្រដាក់ឲ្យស្ងួតល្អ បើកភ្លើងចាក់ប្រេងចូលខ្ទះទុកឲ្យក្ដៅ
រងចាំដាក់តៅហ៊ូចូលចៀនឲ្យឆ្អិនទាំងសងខាង។
ជំហានទី ៣
ខណៈពេលចៀនតៅហ៊ូអ្នកបន្តលាយទឹកជ្រលក់៖ ទឹកស៊ីអ៊ីវ, ម្សៅម្ទេស,
ខ្ទឹមស, ដើមខ្ទឹម, ប្រេងល្ង និងល្ងលីងទៅក្នុងចានមួយហើយកូរឱ្យសព្វចូលគ្នា។
ជំហានទី ៤
ជាចុងក្រោយយកតៅហ៊ូចៀនរួចរៀបដាក់ចាន ហើយស្រោយទឹកជ្រលក់ដែលអ្នកបានធ្វើ៕
