វិធីធ្វើតំណាប់ត្រឡាច

គ្រឿងផ្សំ និងរបៀបធ្វើ ៖

១- យកកំបោរ កន្លះស្លាបព្រាបាយ ដាក់កូរជាមួយទឹក បីលីត្រ រួចយកត្រឡាចធុងទុំមួយ ដែលមានកំបោរសំបក ទៅចិតជាចំណិត លាងទឹកអោយស្អាត ត្រាំទឹកកំបោរ ១ម៉ោង។

២- យកត្រឡាចលាងទឹកចេញអោយស្អាត សម្រស់អោយស្រស់ទឹក ទើប ថ្លឹងយកមួយគីឡូ។

៣- យកស្ករស កន្លះគីឡូ ឆឹងអោយពុះចេញជាសរសៃជើងអង្រ្កង ហើយចាក់ត្រឡាចចូល បន្ថយភ្លើង រំងាស់ត្រឡាច ទាល់តែស្រស់គោក ឡើងក្រាម រឹង ស ដូចស្ករគ្រាប់។

៤- សូមមើលភ្លើង កុំអោយខ្លាំងពេក នាំអោយខ្លោចបាត ខូចតំណាប់។

៥- តំណាប់ត្រឡាចដែលស្រស់ទឹកល្អ ក្រាមស្ករស អាចទុកយូរបានរាប់ខែ។

៦- បើចង់បានពណ៌ស្អាត ចាក់ទឹកស៊ីរោ ចូលក្នុងស្ករ ពេលរំងាស់ ដើម្បីបម្លែងពណ៌តំណាប់។