គ្រឿងសមុទ្រញាំគ្រាប់ស្វាយចន្ទី

 គ្រឿងផ្សំ ៖
-មឹកបំពង់ស្រស់ៗ ២ក្បាល
-បង្គាសមុទ្រ ១០ក្បាល
-គ្រាប់ស្វាយចន្ទីឆៅ ២០គ្រាប់
-ម្ទេសក្រៀមហាន់ ២ផ្លែ
-ខ្ទឹមក្រហម ២មើម
-ខ្ទឹមស បកសំបក ១៥កំពឹស
-ទឹកត្រី ១ស្លាបព្រាបាយ
-ម្សៅស៊ុប ២ស្លាបព្រាកាហ្វេ
-ទឹកក្រូចឆ្មារ ២ស្លាបព្រាបាយ
-ស្ករស ១ស្លាបព្រាបាយ
-ម្ទេសស្រស់ ៥ផ្លែ
-ស្លឹកជីរវ៉ាន់ស៊ុយ ១០សន្លឹក
-ប្រេងឆាយ៉ុក  ១វែក

 វិធីចំអិន ៖
១. ចាក់ប្រេងឆាចូលខ្ទះ ហើយដាក់លើភ្លើងឱ្យក្តៅ។

២. ចាក់គ្រាប់ស្វាយចន្ទីចូល លីងឱ្យឆ្អិន សឹមដួសឡើង
​​​​​​៣. ដាក់ម្ទេស ក្រៀមចូល ឆាឱ្យស្រួយ ហើយដួសឡើង។

៤. ចំណែកបង្គា បកសំបកវា ចេញ វះខ្នង ហូតសរសៃខ្មៅចោល រួចលាងឱ្យស្អាត ចៀនឱ្យឆ្អិនល្មម ហើយ ដួសទុកឱ្យស្រស់ប្រេង។

៥. មឹក លាងឱ្យស្អាត ហាន់ជាកង់ៗ រួចហើយចៀន ឱ្យស្រួយ
៦. ដើម្បីធ្វើទឹកញាំ ហាន់ខ្ទឹមក្រហម លាយជាមួយខ្ទឹមស ដែលដំឱ្យ បែក ព្រមទាំងទឹកត្រី ម្សៅស៊ុបខ្នរ ទឹកក្រូចឆ្មារ ស្ករស និងជីរវ៉ាន់ស៊ុយ ច្របល់បញ្ចូលគ្នាឱ្យសព្វ។ ឯម្ទេសស្រស់ ដំវាឱ្យបែក ដាក់លាយចូលជាមួយ មុននឹងយកទៅលាយជាមួយមឹកចៀន បង្គាចៀន គ្រាប់ស្វាយចន្ទីលីង ពិតជាមានរសជាតិឆ្ងាញ់ជាប់មាត់៕