សារាយគ្រាប់ជីរ

គ្រឿងផ្សំ និង របៀបធ្វើ៖

១- ស្ងោរសារាយ មួយកម្ចប់ ទឹកបីលីត្រ រំងាស់អោយរលាយសាច់សារាយចូលគ្នា។

២- ពេលពុះរលាយសាច់សារាយ ចូលគ្នាហើយ ទើប ដាក់គ្រាប់ជីរ ពីរស្លាបព្រា អំបិលចុងស្លាបព្រា ស្ករបួនខាំ។

៣- កូរអោយសព្វហើយ លើកចុះ ចាក់ចូលថាស ទុកអោយកក ទើបកាត់ដុំៗ សម្រាប់ទទួលទាន។

៤- បើចង់ស្អាត សូមដួសចាក់ពុម្ព ទុកអោយកក ពេលកក ក្រឡាប់យកដុំសារាយចេញ តម្រៀបលើចាន។

៥- បើចង់បានពណ៌ សូមចាក់ទឹកស៊ីរោចូល ហើយអាចរើសពណ៌បាន តាមចំណូលចិត្ត។

៦- បើចង់បានរសជាតិបែបធម្មជាតិ សម្រាប់ពណ៌ក្រហម ប្រើទឹកទទឹម ពណ៌បៃតង ប្រើទឹកស្លឹកតើយ ពណ៌ផ្កាឈូក ប្រើទឹកឳឡឹក ពណ៌លឿង ប្រើទឹកល្ហុង ពណ៌ស្វាយ ប្រើត្រាវចំហុយហើយកិនអោយម៉ដ្ឋ ស្ងោរជាមួយ ទឹកសារាយ។