ស៊ុតជាអាហារមួយប្រភេទ
ដែលសម្បូរទៅដោយជីវជាតិ ហើយមានមនុស្សជាច្រើនចូលចិត្តយកទៅចៀនធ្វើជាអាហាររៀងរាល់ថ្ងៃ។
ប៉ុន្តែមេផ្ទះគ្រប់រូបក៏អាចធ្វើការកែឆ្នៃស៊ុតទៅជាអាហារថ្មី មួយបែបទៀត
ដូចជាស៊ុតបំពង ដ៏មានរស់ជាតិឈ្ងុយឆ្ងាញ់។
គ្រឿងផ្សំ ៖
- ម្សៅបំពង ១ កូនចាន
- ស៊ុត ៤ គ្រាប់
- ទឹកត្រជាក់
- ប្រេងរុក្ខជាតិ
៤ ខាំ
- អំបិល
វិធីធ្វើ ៖
១. យកស៊ុតមកលាងឲ្យស្អាត
បន្ទាប់មកយកមកស្ងោកុំឲ្យឆ្អិនពេក (ជរ័ភ្នៅ) បន្ទាប់មកទុកឲ្យត្រជាក់បកសម្បកចេញឲ្យស្អាតទុកមួយអន្លើ។
២. យកម្សៅបំពងមកលាយជាមួយទឹកត្រជាក់កុំឲ្យរាវពេក
ឲ្យនៅខាប់ៗអាចលុញបាន ដាក់អំបិលមួយចិប (កុំឲ្យដឹងជាតិប្រៃ) បន្ទាប់មកដាក់ពងទាលុញឲ្យពេញ។
៣. ដាក់ខ្លាញ់ដាំឲ្យក្ដៅ
បន្ទាប់មកយកពងដែលលុញទុកនោះមកបង់ចាំរហូតដល់ម្សៅស៊ុតគ្រៀមល្អ។
ទឹកជ្រលក់ ៖
ទឹកជ្រលក់អ្នកអាចធ្វើបានច្រើនយ៉ាងតាមចំណូលចិត្ត
ឬក៏យកទឹកត្រីចាក់ចូលក្នុងកូនចានតូចមួយ ដាក់អំបិលបន្ទិច, ខ្ទឹមជញ្ជ្រោំ,
ប៊ីចេង, ស្កសរបន្តិច កូរចូលគ្នាជាការស្រេច៕
