ពង​ទាប្រៃ​បំពង​សាច់ជ្រូក​ចិញ្ច្រាំ​

+ គ្រឿងផ្សំ​ ៖

– ពង​ទាប្រៃ ៣ គ្រាប់​

– សាច់ជ្រូក​ចិញ្ច្រាំ ១ ខាំ កន្លះ​

– ម្សៅ​បំពង​

– ជី​ម្រះព្រៅ​

– ប្រង​ឆា ១ ស្លាបព្រា​បាយ​កន្លះ​

– ខ្ទឹមស ចិញ្ច្រាំ និង ម្ទេស​ហាន់​ម៉ដ្ឋៗ លាយ​ចូលគ្នា ២ ស្លាបព្រា​បាយ​

– ស្ករស ១/៤ ស្លាបព្រា​បាយ​

– ទឹកត្រី ១ ស្លាបព្រា​បាយ​កន្លះ​

– ប្រេងខ្យង ១ ស្លាបព្រា​បាយ​

– ទឹកស៊ីអ៊ីវ ១/៤ ស្លាបព្រា​បាយ​

– ម្ទេស​ហាន់ ១​គ្រាប់ សម្រាប់​ដាក់​ឆា​ជាមួយ​សាច់ជ្រូក​

+ វិធី​ធ្វើ​ ៖

– ដំបូង ស្ងោ​ពង​ទា​ឲ្យ​ឆ្អិន​រួច​បក​វា​ពុះ​ជា​ពីរ បន្ទាប់មក​យកទៅ​ប្រឡាក់​ជាមួយ​ម្សៅ​បំពង ហើយ​បំពង​វា​ឲ្យ​ក្រៀម​ល្មម រួច​ទុក​មួយអន្លើ​

– ជី​ម្រះព្រៅ យក​មួយ​ក្ដាប់​ទៅ​បំពង​ឲ្យ​ក្រៀម​ល្មម​រួច​ទុក​មួយអន្លើ​

– ដាក់​ប្រេងឆា​ចូល​ខ្ទះ រួច​ដាក់​ខ្ទឹមស និង​ម្ទេស រលីង​បន្តិច​ដាក់​សាច់ជ្រូក​ចិញ្ច្រាំ​ចូល ដាក់​គ្រឿងដូចជា ស្ករស ទឹកត្រី ប្រេងខ្យង ទឹកស៊ីអ៊ីវ ឆា​ឆ្អិន កូរ​ឲ្យ​សព្វ រួច​ដាក់​ម្ទេស​ក្រហម និង​ជី​ម្រះព្រៅ​មិនទាន់​ចំអិន​៤ ៥ សន្លឹក ឆា​ជាមួយគ្នា បន្ទាប់​មកចាក់​សាច់ជ្រូក​ឆា​ពីលើ​ពង​ទា​បំពង រួច​ដាក់​ជីម្រះព្រៅ​បំពង​ពីលើ​រួច​ជាការ​ស្រេច ៕