+ គ្រឿងផ្សំ ៖
– ត្រីធំ (ដូចជាត្រីប្រាជាដើម)
កន្លះគីឡូ ចៀយកសាច់មួយចំហៀង
– ផ្សិត ៣ ខាំ ហាន់ស្ដើងៗ
– ខ្ញី ២ ខាំ ហាន់ដូចឆាធម្មតា
– ស្រាចិន សម្រាប់ចំអិនម្ហូប ១
ស្លាបព្រាបាយ (មិនប្រើក៏បាន)
– ទឹកស៊ីអ៊ីវ ២ ស្លាបព្រាបាយ
– ទឹកស៊ុបមាន់ កន្លះពែង
– ប្រេងខ្យង ១ ស្លាបព្រាបាយ
– ស្ករស កន្លះ ស្លាបព្រាបាយ
– ប្រេងល្ង កន្លះស្លាបព្រាបាយ
– ខ្ទឹមស
– ស្លឹកខ្ទឹម
– ម្រេចម៉ដ្ឋ
+ វិធីធ្វើ ៖
– លាយទឹកស៊ុបមាន់ក្នុង
ចានមួយជាមួយ ទឹកស៊ីអ៊ីវ ប្រេងខ្យង ស្ករស ប្រេងល្ង ស្រាចិន រួចកូរវាឲ្យ
សព្វទុកមួយអន្លើ។
– បន្ទាប់មក ដាក់ខ្ទឹមស ចូលខ្ទះ
រួចដាក់ឆាខ្ញីមុន និងដាក់ឆាផ្សិតតាមក្រោយ រួចចាក់ទឹកគ្រឿងស៊ុបមាន់
ដែលលាយហើយចូលរួចដាក់ម្រេចបន្តិច ទុកឲ្យពុះបន្តិចលើកចេញ។
– យកសាច់ត្រីចំហ៊ុយឲ្យឆ្អិនប្រហែលជា
៧ ទៅ ៨ នាទី រួចដាក់ចានមួយ ចាក់ខ្ញី និងផ្សិតដែលឆា ពីលើត្រី
រួចរោយស្លឹកខ្ទឹមពីលើបន្តិច ដាក់ចំហ៊ុយវា ៣០ វិនាទី ដើម្បីឲ្យចូលគ្រឿង
៕
