+ គ្រឿងផ្សំ ៖
– សាច់គោ សាច់ភ្លៅ 7 ខាំ
– អំបិល 1
ស្លាបព្រាកាហ្វេ
– ទឹកស៊ុបគោ 900 មីលីលីត្រ (បានមកពីរម្ងាស់ឆ្អឹងគោ ជាមួយមើមឆៃថា ការ៉ុត
ខ្ទឹមបារាំង រយៈពេល 2 ម៉ោង រួចបន្ថែមទឹក រម្ងាស់ 1 ម៉ោងទៀត)
– ទឹកស៊ីអ៊ីវ 2 ស្លាបព្រាបាយ
– ទឹកស៊ីអ៊ីវខ្មៅ 1 ស្លាបព្រាបាយ
– ទឹកត្រី 1
ស្លាបព្រាបាយ
– ប្រេងខ្យង 2 ស្លាបព្រាបាយ
– ស្ករត្នោត 3 ស្លាបព្រាបាយ
– គ្រាប់របស់ផ្កាជីវ៉ាន់ស៊ុយ 1 ស្លាបព្រាកាហ្វេ
– ឈើអែម 2
– ផ្កាច័ន្ទ 2 គ្រាប់
– ម្រេច ស ម្រេចខ្មៅ
កន្លះស្លាបព្រាកាហ្វេ
– Goji Berries 1 ស្លាបព្រាបាយ
– ស្លឹកបៃតង 2 សន្លឹក (ដើមយីថោ)
– ផ្សិតកញ្ចោ កន្លះខាំ
– ខ្ទឹមបារាំង 1 មើម ហាន់
– ខ្ទឹមស 8
កំពឹស
– ខ្ញី 1
ហាន់បន្ទះៗ
– រំដេង 1
ហាន់បន្ទះៗ
+ វិធីធ្វើ ៖
– ហាន់សាច់គោដុំធំៗល្មម
រួចរោយអំបិលពីលើបន្តិចៗ បន្ទាប់មកយកសាច់គោចៀនប្រហែល45 វិនាទី (មិនដល់1នាទីទេ)
រួចដួសវាដាក់ចាន។
– បន្ទាប់មកដាក់ឆ្នាំថ្មីលើចង្ក្រាន
យកសាច់ដាក់ក្នុងឆ្នាំងថ្មី ចាក់ទឹកស៊ុបគោចូលរម្ងាស់បណ្ដើរៗ
(កុំ
ភ្លេចដួសពពុះចេញ)។
– រួចដាក់ផ្សិតកញ្ចោ
ខ្ទឹមបារាំង ខ្ទឹមស(ដំ) យកគ្រឿងទេសមួយចំនួនដូចជា គ្រាប់ផ្កាជីវ៉ាន់ស៊ុយ
ឈើអែម ផ្កាច័ន្ទ ម្រេចស ម្រេចខ្មៅ Goji Berries ស្លឹកបៃតង
ខ្ញី រំដេង ដាក់ចូលក្នុងស្បៃមួយចងឲ្យជិតរួចដាក់វាចូលក្នុងឆ្នាំង
រួចគ្រប់ឆ្នាំងឲ្យជិតរម្ងាស់រយៈពេល 3 ម៉ោង
នៅពេលញ៉ាំបន្ថែម ស្លឹកជីវ៉ាន់ស៊ុយពីលើបន្តិចរួចជាការស្រេច ៕
